Sorglegt að verða vitni af þessu

Í síðustu viku lét ég loks verða af því að setja vetradekkinn undir bílinn. Ekkert merkilegt við það. En á meðan ég beið eftir því að þeir kláruðu bílinn minn varð ég vitni af atburð sem situr enn í mér.

Inn kom aldraður karlmaður líklega um 75, þegar röðin kemur að honum spyr hann hvort það séu til vetrardekk undir bílinn hans. Maðurinn flettir upp og játar, hinn aldraði spyr þá um verð og fékk svarið 109þús með umfelgun. Karl anginn hvítnaði og saup kveljur, gráti næst tautar hann að það borgi sig frekar að kaupa nýjan bíl en að borga þetta. Maðurinn var svo að fara án dekkjana enda ekki á hvers mans færi að greiða þessa upphæð hvað þá fólk á ellilífeyrir. Þetta er örugglega eitthvað sem á eftir að verða enn algengara. Og ekki bara tengt vetrardekkjum heldur öllu. Vona bara að við förum ekki að finna lík aldraðra í hrönnum sem hafa soltið í hel.

Veit ekki hvað margir muna eftir gamla manninum sem stal frosnum kjúkling í verslun hér í bæ, hann stakk honum undir hattinn og ætlaði að labba út þegar kuldinn frá kjúklngnum olli því að það steinleið yfir manninn. Þessi maður var eitt dæmið um aldrað fólk sem svalt og já það svalt þá en hvað með í DAG?

Mikið fann ég til með honum, langaði svo að geta hjálpað, þetta var mér líka víti til varnar og er ég þegar farin að safna fyrir næstu vetrardekkjum. Merkilegt að ekki lengra en fyrir ári síðan borgaði ég 35þús fyrir 4 nelgd dekk og umfelgun.

Frábært!

Það var þá ekki nóg að húsaleigan hafi hækkað um 22 þús á mán hjá mér frá því að allt fór til fjandans út af hækkun vísitölu, heldur á að hækka meira allt.

Þetta fólk sem setur þessi lög þarf auðvita ekki að grenja, laun þeirra duga út mánuðinn. Þeim munar örugglega ekki um nokkra tugi þúsunda hækkun á heimilin á ári. Hvernig er það annars borgar þetta pakk nokkuð fyrir bensínið?

Þrýsta vísitölunni upp

Skelfilegt :(

Fæ fyrir hjartað á að lesa þetta, guð greyið fólkið. Það að fasteignamarkaðurinn hækki hratt er greinilega alltaf til ills sama í hvaða landi það er. Þetta gerðist víst í Svíþjóð fyrir fjölda ára, búið að gerast í USA og á eftir að skella á fleiri löndum. Hræðilega sorglegt, vonandi eru einhver úrræði fyrir þetta fólk.

Breskar fasteignir hrynja í verði

Jæja!!

Þessi Jon Knudsen má gera það sem hann vil, ég mun ávalt halda uppi jólasveina hefðinni. Spurning hvort maðurin vilji ekki líka taka upp sið Vottana. Það er hægt að túlka Biblíuna á þúsundir vegu, í rauninni túlkar hver hana út frá sjálfum sér.

Nú er ég ekki mikil kvenremba, en það blundar í mér fyrir því baráttu vilji fyrir hönd kynsystra minna. Ef taka á mark á túlkun Jons Kudsen á Biblíunni, orðum skrifuð af karlmönnum síns tíma, uppfullir af kvenfyrirlitningu og egó um að karlkynið sé konum æðra færum við hundruð ára aftur í tímann.

Jon Knudsen getur átt það við sjálfan sig að hafa orðið fyrir "trama" í æsku og óttast jólasveininn alla tíma síðan þá, við hin höldum áfram okkar striki ;)

Vill banna jólasveina

Gamall og góður siður :)

Hefði viljað vera þarna með öll dýrin mín, en við forfölluðumst vegna veikinda á heimilinu. Elsta dýrið fékk samt að fara og bíð ég spennt eftir því að hún komi heim og lýsi allri dýrðinni fyrir mömmu sinni :)

Að kveikja á Norska Jólatréinu er eitthvað sem flest okkar alin upp á höfuðborgarsvæðinu þekkjum úr okkar æsku og yljar án efa mörgum um hjartarrætur að hugsa aftur í tímann að þessum góða sið veit ég geri það :)

Ljósin kveikt á Óslóartrénu

Stutt?

Og hvað kalla þessir háu herrar stutt?

Fólkið í kringum mig er aldeilis farið að finna fyrir lágu gengi nú þegar, og margir ráða ekki við marga mánuði, varla einn. Það er nefnilega þannig að það stóð ekki öllum til boða að frysta lán sín.

Eins bjartsýn og ég er að eðlisfari hef ég síðustu daga átt frekar erfitt með að vera bjartsýn, þá breytir engu hversu mikið ég reyni.

Ég setti hérna við stofnun þessa bloggs inn draum sem mig dreymdi í september  hér er hann

Mig dreymir það að ég standi við fjörðinn í Grafarvogi og horfi út yfir sjóinn, fyrir mér blasir stórt gat þar sem sjórinn á að vera og blóðugur sjór streymir niður gatið. Ótrúleg kyrrð var yfir öllu, sólarlagið var fallegt en samt blóðlitað. Í dag tengi ég þetta við ástandið í dag, Íslandi blæðir, þjóðinni blæðir. 

 

Það sem  er samt áberandi í þessum draum er kyrrðin og fegurðin þó landinu blæði, ég er skrýtin  eit það en ég hef haft þennan draum að leiðarljósi, jú vitanlega blæðir okkur og mun gera eitthvað áfram en kyrrðin og fegurðinn í draumnum segir mér að það varir ekki að eilífu, SPURNIGIN er bara hversu lengi, hvað kalla þeir STUTT??????

 

Gengislækkun stendur stutt

Bullið um Þjóarsátt

Hvers vegna hefur það heyrst við og við frá strjóninni að það sé þjóðarsátt og samt er allt en að hækka?

Þýðir ekki þjóarsátt að laun standi í stað og allt annað líka, matvælaverð,álagning og vextir.

Væri til í að sjá þetta gerast, ef laun eiga að hætta að hækka og jafnvel lækka á hitt ekki að fá að hækka.

Sem myndi þýða hvað?

Eins hlynt ég er því að skipta um mynt þá er ég samt á sama skapi mjög fáfróð um hvernig það væri í framkvæmd.

Segjum svo að það yrði skipt um mynt núna á næstu mánuðum myndi þá fólk með mynkörfulán sitja í skuldasúpu það sem eftir er, væntanlega ættu skiptin sér stað eins go staðan er í dag. Og  er einhver munur á því að skipta um mynt eða tengja hana annari mynt?

Vilja tengja íslensku krónuna við þá norsku

Það síðasta sem Noregur mun gera

Er að ganga í ESB, það er engin samstaða um það og mjög lítil prósenta norsku þjóðarinnar vil inn í ESB.

Vonandi verður raunin sú hérna líka að prósentan sem vil inn minki.

Telur Ísland og Noreg munu ganga í ESB

Hvað þarf til?

Hvað þarf eiginlega til svo ráðamenn hlusti á þjóðina?

Ekki get ég séð að þeir skilji það vonleysi sem blasir við fullt af fólki í sinni tryggu vinnu, með sín háu laun. Þá munar ekki um 100% verðhækkun á nauðsynjum eins og mat, þá munar ekki um verðtryggingu þeir hafa launin til að borga af henni "ef þeir eru þá yfirhöfuð með húsnæðislán"

Hvað þarf til að ráðamenn átti sig á því að bankar og íbúðalánasjóður hefur ekkert að gera með þúsundir fasteigna. Verðtryggðlán hækka á hverjum degi, myntkörfulán hafa flest hækkað langt umfram verðgildi fasteigna, matur hækkar á hverjum degi.

Eru þeir virkilega svona siðblindir að halda að hinn almenni borgari geti lifað svona í nokkur ár?

Amma mín er á ellilífeyrir, fyrir þetta hrun náði hún ekki endum saman með þessum smánar penginum sem hún fékk í dag sveltur hún ef eitthvað útaf ber hjá ættingjum hennar og niðjum sem eru í hrönnum að missa vinnur sínar og eiga það á hættu að missa heimili sín líka.

Ég vil fara að fá almenninlegar upplýsingar um hvað er framundan, ég get ekki sætt mig við að krónan verði sett á flot þegar allir vita afleiðingarnar, eiga börnin mín að svelta vegna HELVÍTIS AUMINGJA sem ætluðu sér of mikið og að öllum líkindum stálu og stungu undan fullt af peningum, lifa svo góðu lífi á meðan þorri landsmanna er á milli vonar og ótta og veit ekki hvað morgundagurinn ber í skauti sér.

 

Ég hef hingað til reynt að vera skynsöm og halda ró minni, ég er reyndar sammála að líklega er ekki tímabært að skipta út stjórninni, alla vega ekki á meðan líkurnar á því að þeir sem tækju við geri illt verra. Ég vil nýja stjórn en ekki neinn af ráðamönnum íslands þeir virðast allir spilltir. En ró mín er að gufa upp, hún gufar upp með hverri frétt af ömurleg heitunum sem fólkið í kringum mig er að upplifa, hún gufar upp í hvert sinn sem ég fer í búð að kaupa mat fyrir börnin mín. Ég er heppin með það börnin mín elska hafragraut svo ég get nurlað út mánuðinn. En já ró mín þverrandi fer.

Komið með svör, en ekki lygar, vinnið fyrir launum ykkar, burtu með vertrygginguna, takið mark á orðum Benedikts Sigurðsonar hann virðist vita um hvað hann er að tala, hlustið á Eyþór hann veit líka um hvað hann er að tala, hættið að horfa betlandi augum á ESB og evruna eða blindandi augum á dauðan gjaldmiðil íslensku krónuna.

Verðtryggingin verði fryst