Fasteignamarkaðurinn mun

Jæja er þá markaðurinn loksins á niðurleið og í eðlilegt horf. Það er staðreynd að fasteignir hafa verði að fara á allt of háu verði undanfarin 3 til 4 ár. Fæstir vildu viðurkenna að fasteignaverð væri of hátt og töluðu flestir um eðlilega þróun og leiðréttingu á of lágu fasteignaverði. Ég var allan tímann á þeirri skoðun að verðið væri orðið fáránlega hátt og í engu samræmi við kaupgetu. Því miður er það kreppa sem mun knýja verðið niður og því miður munu margir sitja uppi með sárt ennið, annað hvort þurfa að taka hluta af lánunum með sér þegar selt er eða sitja fastir í fasteign sem er of hátt veðsett miðað við verðmæti.

Eina góða í þessu er það að unga fólkið sem er að koma út í þjóðfélagið á eftir að eiga möguleika á að kaupa sér þak yfir höfuðið þegar kreppan líður hjá.

Mæli með því að þið unga fólkið byrji strax að safna ykkur fyrir útborgun, því ótrúlegt væri ef hægt verður að fá lán hér eftir fyrir meira en 60% af fasteignamati. 

Um 70% samdráttur

Athugasemdir

[Púkinn, 5.11.2008 kl. 18:59]

Þú hefur rétt fyrir þér ... því miður fyrir marga.

[assa (IP-tala skráð) 5.11.2008 kl. 19:11]

Ég held nú að flestir hafi verið á þeirri skoðun að fasteignaverð hafi verið orðið fáránlegt, en þetta var náttúrulega bara leikur að tölum. Fasteignaeigendurnir sjálfir græddu ekkert á því að sitja í húsi sem hafði hækkað um miljónir á einhverjum mánuðum, ekki nema kannski þeir fáu sem seldu án þess að kaupa áður en kreppan skall á. Það var ekki almenningur sem græddi og unga fólkið gat ekki keypt með góðu móti. En sveitarfélögin voru fljót að taka við sér og hækkuðu fasteignamat, skyldi það lækka aftur nú? En þetta háa fasteignaverð sem nú er hrunið getum við þakkað bönkunum eins og margt annað í dag. Með ákafa (og sjálfsagt græðgi að leiðarljósi) og án fyrirhyggju tróðu þeir sér inn á þennan lánamarkað, öllum til bölvunar.