Gleymin bókasjúklingur :)

Ég er bókasjúk það sjúk að ef ég á smá pening afgangs kaupi ég mér frekar bók en flík ;) Ég á fleiri bækur en ég kem fyrir hérna heima því ekki tími ég að kaupa mér stóran bókaskáp :haha:

Nú er ég haldin þeim galla að ég man ekki nöfn, hvort sem það séu bókatitlar,kvikmyndatitlar, nöfn á hljómsveitum, leikurum,söngvörum eða heimilsföng. Því lendi ég oft í því að kaupa mér bók sem mig langar mikið til að lesa. Er kannski búin að standa við bókarekkann og lesa aftan á óteljandi bækur, svo heillar ein mig og ég rýk til og kaupi.

Um kvöldið hef ég mikið fyrir því að koma krakkaskaranum niður, slekk á tölvunni og kem mér vel fyrir, spennt yfir því að sökva mér niður í heim bókmennta, gleyma stað og stund og láta ímyndunaraflið ráða för. Svo hefst lesturinn og á á miðri blaðsíðu 1 átta ég mig á því að ég hef lesið þessa bók áður, að þessi bók er til í kassa inni í geymslu eða jafnvel blasir við mér í litlu bókahillunni minni sem ég hef hérna inni.
NÚ!     Þar sem ég er bókasjúk breytir það svo sem ekki miklu því ég elska að lesa og get lesið sömu bókina aftur og aftur, verst finnst  mér þó að ég hef eytt peningum í sömu bókina tvisvar jafnvel þrisvar 8|

Ég hef svo sem reynt að nýta mér bókasöfnin, og jú lendi í því ítrekað að fá að láni sömu bókina aftur og aftur. Mikið væri gott að geta munað hvað þær bækur heita sem ég hef lesið,keypt eða fengið lánað en það væri kannski til of mikils ætlast þar sem ég hef ekki tölu á þeim fjölda sem ég hef lesið frá því ég varð læs ;)